• Facebook Social Icon

Adres

Wellington; Wes-Kaap;

Suid-Afrika

Wat doen ons?

Lesings, Kursusse en Werkswinkels

TAS Forum bied 'n verskeidenheid lesings, kursusse en werkswinkels aan na gelang van u behoefte: Van korter  lesings tot vier-uur-werkswinkels, asook tweedagkursusse, kleingroep-aanbiedings en sondagskoolreekse. 

Sondagskoolreeks

Ons bied 'n aksiebelaaide, multimedia reeks aan.  Onderwerpe soos die ontstaan van die heelal, die geldigheid van die evolusieteorie en dinosourusse word onder andere aangespreek.  Ons leer kinders hoe om die onderwerpe in die klaskamer te hanteer deur kritiese denke toe te pas en die regte vrae te vra.

Onderwyseropleiding

TAS Forum bied 'n baie effektiewe, alternatiewe metodiek aan onderwyser om onderwerpe soos evolusie, die miljoene-jare- teorie en kreasionisme aan te bied.  Ons hou by die leerplan en onderwysers hoef min tot geen ekstra voorbeiding te doen.  Ons voorsien u van webtuistes en ander bronne.

Skeppingsleer- en Fossieltoere

Ons Skeppingsleer- en fossieltoere is wonderlike geleenthede.  Die toere is vir kinders en volwassenes en word jaarliks met groot opwinding, goed ondersteun.  Toergangers sien God se Woord in die natuur lewend word.  Hulle tel fossiele op, staan in dinosourusspore en ondersoek bewyse vir 'n globale (Bybelse) vloed.

Media

Ons lewer kommentaar op gepubliseerde inligting wat te make het met godsdiens, opvoeding en morele kwessies. Ons bevorder rasionele, objektiewe wetenskap in die media en bied alternatiewe bronne aan belangstellendes.

TAS Forum reageer op berigte en artikels in gedrukte media, skryf artikels en ontwikkel hulpbronne soos boeke, animasie en video's om die waarheid in die wetenskap te bevorder en die Woord van God se gesag te beklemtoon.

Ons maak gebruik van sosiale media om relevante bronne te promoveer en te deel.

Netwerk en Bemagtiging

Ons netwerk met ander organisasies ten opsigte van kwessies soos opvoedkundige wetenskap, Intelligente Ontwerp en die geldigheid van Die Bybel.  Ons bied ondersteuning, opleiding en bronne aan soortgelyke organisasies en individue.

Please reload